Бүтээгдэхүүн борлуулалт
"Эрдэнэс Тавантолгой" ХК нь Уул уурхайн биржийн тухай хуулийн дагуу бүтээгдэхүүнээ Монголын хөрөнгийн биржийн Уул уурхайн бүтээгдэхүүний арилжааны систем(comex.mse.mn)-ээр арилжаалдаг.
Олборлолт
Уурхайг төлөвлөх, өрөмдлөг, тэсэлгээ хийх, ачих, овоолго руу тээвэрлэх
Боловсруулалт
Нүүрс баяжуулах үйлдвэрт бэлтгэх, ангилах, баяжуулах
Борлуулалт
Монголын хөрөнгийн биржийн уул уурхайн бүтээгдэхүүний биржээр арилжаа хийх
Тээвэрлэлт
Худалдан авсан хэрэглэгчдэд нийлүүлэх, тээвэрлэн хүргэж өгөх
Бүтээгдэхүүний төрөл
Баяжуулсан болон түүхий нүүрсний чанарын үзүүлэлтүүд
Борлуулах баяжуулсан нүүрсэн бүтээгдэхүүний чанарын үзүүлэлт
| Нүүрсний төрөл | Кодекс | Үнслэг (db) % | Дэгдэмхий /daf/ % | Барьцалдах чанар | Илчлэг (ar) ккал/кг |
|---|---|---|---|---|---|
| Коксжих нүүрс | WCC1WCC2WCC3 |
≤10.5 >10.5–12.0 >12.0 |
>20–28 | >60 | — |
| Сул коксжих нүүрс | W1/3CC1W1/3CC2W1/3CC3 |
≤10.5 >10.5–12.0 >12.0 |
>28–37 | >60 | — |
| Коксжих чанаргүй | QTC1QTC2 |
≤25 | — | <20 | >6000 >5000 |
Борлуулах түүхий нүүрсэн бүтээгдэхүүний чанарын үзүүлэлт
| Нүүрсний төрөл | Кодекс | Үнслэг (db) % | Дэгдэмхий /daf/ % | Барьцалдах чанар | Илчлэг (ar) ккал/кг |
|---|---|---|---|---|---|
| Коксжих нүүрс | CCPCC1CC2CC3 |
≤14 >14–19 >19–25 >25–30 |
>20–28 | >65 | — |
| 1/3 коксжих нүүрс | 1/3CCP1/3CC11/3CC21/3CC3 |
≤14 >14–19 >19–25 >25–30 |
>28–37 | >65 | — |
| Эрчим хүчний нүүрс | TC1TC2TC3 |
≤25 | — | <30 | >6000 >5500 >5000 |
Шинжилгээний аргачлал
Нүүрсний техникийн анхан шатны шинжилгээг олон улсад хүлээн зөвшөөрөгдөхүйц стандартаар гүйцэтгэдэг
"Эрдэнэс Тавантолгой" ХК нь нүүрсний техникийн анхан шатны шинжилгээг Олон Улсад хүлээн зөвшөөрөгдөхүйц стандарт, арга аргачлалаар хөндлөнгийн байгууллагаар гүйцэтгүүлж байна. Дээж бэлтгэл (SP)-ийн ажлыг дээрх стандартуудын дагуу гүйцэтгэж байна.
Дээжийг 105°–110°-т хатаах шүүгээнд хийж тогтмол масстай болох хүртэл хатааж, массын хорогдлоор чийгийн агууламжийг тооцоолдог. Хэрэв анхны дээж нь чийгтэй бол урьдчилан агаарын хатаалгад оруулж чөлөөт чийгийг тодорхойлдог.
Нүүрсний дээжийн гадаргын чийгийг хатаасны дараах нүүрсний дотоод нүх сүвэнд агуулагддаг чийг юм. Шинжилгээний зарчим нь шинжилгээнд бэлтгэгдэн ирсэн дээжээс стандарт нөхцөлийн дагуу жигнэн авч, 105°–110°-ийн температурт тогтмол жинтэй болтол хатааж, чийгийн агууламжийг массын хорогдлоор тооцоолон гаргадаг.
Тодорхой хэмжээний масстай дээжийг шатаах зууханд хийж, тодорхой хурдаар температурыг 815±10° хүртэл нэмэгдүүлэх ба дээжийг тогтмол жинтэй болтол нь уг температурт шатаана. Шатаалтын дараах үлдэгдлийн жингээр нүүрсэн дэх үнслэгийн хувь хэмжээг тооцож гаргадаг.
Тодорхой масстай нүүрсний дээжийг жигнэн авч тагтай тигельд хийж, 900±10° температуртай зууханд тодорхой хугацаанд байлгана. Шатаалтын дараах жингийн хорогдлыг хувиар илэрхийлж чийгийн агууламжийг хассаны дараа дэгдэмхий бодисын агуулга тодорхойлдог.
Тодорхой масстай нүүрсний дээжийг шатаах хоолойд хүчилтөрөгчийн урсгалд шатаана. Тухайн дээжийн нийт хүхэр нь исэлдэж хүхрийн диоксидод хувирна. Үүссэн хүхрийн диоксидийн хэмжээг хэт улаан туяаны мэдрэгчийн тусламжтайгаар тодорхойлдог.
Тодорхой масстай нүүрсний дээжийг 2.8–3.0 МПа даралттай хүчилтөрөгчийн орчинд колориметрийн бортгон дотор бүрэн шатаахад үүсэх дулааны өөрчлөлтөөр илчлэгийн хэмжээг тооцоолдог.
Тодорхой масстай нүүрсний дээжийг хугацаа болон температурын стандарт нөхцөлд тагтай тигельд халаахад үүссэн коксын үрлийг стандарт дүрстэй харьцуулан дээжийн хөөлтийн зэргийг тодорхойлдог.
Нүүрсний дээжийг тодорхой харьцаагаар стандарт антрациттай хольж 850°-т шатаасны дараа эргэлдэгч хүрдэт машинд хийж тодорхой хурдаар эргүүлнэ. Эргэлтийн дараах бүхэл хэсгийн масс болон анхны массын харьцаагаар нүүрсний барьцалдах чанарыг тодорхойлдог.
Бүтээгдэхүүн худалдан авах
Биржийн арилжааны системд бүртгүүлж, нүүрсний худалдааны дуусгавар хийгтүн
comex.mse.mn руу орох