ЗАХ ЗЭЭЛИЙН ТОЙМ МЭДЭЭ

2021-05-14

Коксжих нүүрсний үнэ өсөж, дээд түвшинд хүрлээ

Монгол улс дахь цар тахал, БНХАУ-ын 5 дугаар сарын 01-ний баяраас шалтгаалан Ганцмод боомтыг 2021 оны 4 дүгээр сарын 30-наас 5 дугаар сарын 06-ны хооронд зургаан хоног хааж, 06-ны өдөр хилийг нээлээ. CCI-ийн нүүрсний үнийн индексийн дагуу 2021 оны 5 дугаар сарын 06-ны байдлаар Шаньси дахь нүүрсний үнэ 1728 юань/тн байсан нь 2019 оноос хойш хамгийн дээд түвшинд хүрч  өмнөх долоо хоногоос 18 юань/тн-р, өмнөх сараас 236 юань/тн-р тус тус өссөн бол ӨОМҮеэс 29.4% -иар өссөн байна.

БНХАУ-ын Гаалийн ерөнхий газраас 2021 оны 5 дугаар сарын 07-ны өдөр гаргасан тоо баримтаас үзвэл БНХАУ 2021 оны 4 дүгээр сард 21.7 сая тонн нүүрс импортолж, өмнөх оны мөн үеийн 30.9 сая.тн-с 9.2 сая.тн буюу 29.77% -иар буурсан байна. 2021 оны 1- 4 дүгээр сар хүртэл улсын хэмжээнд нийт 90.1 сая.тн нүүрс импортолж, өмнөх оны мөн үеэс 28.8% -иар буурсан байна.

Монгол улсын нүүрсний экспорт 4 дүгээр сард огцом буурав

Мэдээллээс харахад 2021 оны 1- 4 дүгээр саруудад Монгол улс БНХАУ-руу 6.8 сая.тн нүүрс экспортолж, өмнөх оны мөн үеэс 71.99% -иар өсөж Монгол Улсын нийт нүүрсний экспортын 94.11% -ийг эзэлсэн байна. 

4 дүгээр сард Монгол улс дахь цар тахлын нөхцөл байдал тасралтгүй хүндэрч байгаагийн улмаас Монгол улсын нүүрсний экспорт огцом буурч Монгол улсын нүүрсний экспортын цорын ганц цэг БНХАУ болов. 4 дүгээр сард Монгол Улс БНХАУ-д 641.1 мян.тн нүүрс экспортолсон нь өмнөх оны мөн үеэс 35.60% -иар, өмнөх сараас 68.57% -иар тус тус буурчээ.

Австрали улсын коксжих нүүрсний экспорт эхний улиралд 4.7% -иар буурчээ

Австрали улсын Статистикийн товчооны мэдээллээс үзвэл БНХАУ Австрали улсын нүүрсний импортыг үргэлжлүүлэн хязгаарласнаас болж Австрали улсын коксжих нүүрсний экспортын хэмжээ өмнөх оны мөн үеэс 4.7% -иар буурч, 1- 3 дугаар сар хүртэл 40.5 сая тонн болжээ.

2021 оны 1- 3 дугаар сар хүртэл Энэтхэг нь Австрали улсын коксжих нүүрсний хамгийн том импортлогч орон байв. Энэ хугацаанд Австрали улс Энэтхэг улсад 14.8 сая.тн коксжих нүүрс экспортолсон нь өмнөх оны мөн үеэс 45% -иар өссөн үзүүлэлт юм.