АЖИЛТАН ШАЛГАРУУЛЖ АВНА

2022-03-30

БАРИЛГА, ЗАМ ГҮҮРИЙН  ИНЖЕНЕР /ХӨЛСӨӨР АЖИЛЛАХ ГЭРЭЭГЭЭР/ ШАЛГАРУУЛЖ АЖИЛД АВНА

 

"Эрдэнэс Тавантолгой” ХК-ийн Нэгдсэн терминал логистикийн төслийн барилга, зам гүүрийн инженер /хөлсөөр ажиллах гэрээгээр/ ажлын байранд ажилтан шалгаруулж авна.

 

Гүйцэтгэх үндсэн үүрэг:

Ажлын байрны тодорхойлолтод заасан ажил үүргийг гүйцэтгэнэ.

1. Бизнес төлөвлөгөөний дагуу нэгдсэн терминалын тусгай хэрэгцээний газрын төлөвлөлтийг хөгжүүлэх, холбогдох барилгын зураг төслийн инженерчлэлийн судалгааг хийн, төлөвлөгөө боловсруулах;

2. Төслийн ажлыг холбогдох хууль, дүрэм журам, стандарт норм нормативын дагуу хийж гүйцэтгэх;

3. Ажлын даалгавар, технологийн даалгавар, тоног төхөөрөмжийн нарийвчилсан даалгавар, техникийн болон материалын шаардлага боловсруулах;

4. Шаардагдах ажлын даалгаварт төлөвлөлт хийх, мэдээлэл цуглуулж, үнэлгээ хийх; 

5. Барилга  угсралтын  стандартын бүх шаардлагыг урьдчилан тооцоолж, удирдаж, ажлыг хянаж, газар хөгжүүлэх үйл явцын бүх бүрэлдэхүүн хэсэг, нэгдсэн терминалын үйл явцын бүх үе шатуудын цаг хугацаа дараалал зэргийг тодорхойлох;

6. Нэгдсэн терминалын үйл ажиллагааг 5-15 жилээр төлөвлөж /урьдчилсан/ төлөвлөгөө гаргаж, чөлөөт бүсийн хэмжээнд авто замын зохион байгуулалтыг хийх;

7. Заагдсан хугацааны дотор инженерингийн нарийвчилсан судалгааг хийх;

8. Хариуцсан чиг үүргийн дагуу төрийн болон төрийн бус байгууллага, иргэн, хуулийн этгээдтэй холбогдох хууль тогтоомжийн хүрээнд хамтран ажиллах, албан бичгээр харилцах, уулзалт зохион байгуулах; 

9. Терминалын ерөнхий төлөвлөгөөг нийгэм, эдийн засгийн хөгжлийн нийтлэг шаардлага, эрэлт хэрэгцээний дагуу боловсруулах, зохих тодотгол өөрчлөлт оруулах ажлыг зохион байгуулж, хэрэгжилт болгох;

10. Зураг төслийн ерөнхий төлөвлөгөө, техникийн үзүүлэлтүүд зэргийг баримтжуулж терминалын бүтэц системийг тодорхой болгох; 

11. Нэгдсэн терминалын үйл ажиллагааг 5-15 жилээр төлөвлөж /урьдчилсан төлөвлөгөө/ гаргаж, чөлөөт бүсийн хэмжээнд гаалийн зохион байгуулалтыг хийх;

12. Нүүрсний тээвэрлэлтээс эхлээд чанарын хяналтын тогтолцооны горимыг сайжруулах үр дүнтэй шийдлүүдийг боловсруулах үүрэгтэй.

 

Ажлын байранд тавигдах шаардлага

1. Барилгын инженер, барилгын зураг төслийн инженер чиглэлээр бакалавр болон түүнээс дээш зэрэгтэй;

2. Мэргэжлээрээ 3-аас дээш жил ажилласан;

3. Аливаа ижил төстэй төсөл хөтөлбөр, түүнд холбогдох газар зохион байгуулалт, геодези, зураг зүйн үндэслэл боловсруулах арга зүй, ур чадвар, дадлага, туршлагатай байх;

4. Компьютерын хэрэглээний программуудыг бүрэн эзэмшсэн байх;

5. Салбарын хууль журам болон тохирох стандарт, норм, дүрмийн дагуу барилга бүтээн байгуулалтын тооцоо, судалгаа хийх чадвартай байх;

6. Ажлын хариуцлагатай, багаар ажиллах чадвартай байх;

7. Баримт бичиг, тайлан төлөвлөгөө боловсруулах чадвартай байх;

8. Хөдөө орон нутагт томилолтоор ажиллах боломжтой, ажлын ачаалал даах чадвартай байх;

9. Олон ажлыг гүйцэтгэх, төслийн менежментийн өндөр ур чадвартай, томоохон төсөл хөтөлбөрт ажиллаж байсан туршлагатай байх;

10. Тулгарч болзошгүй саад бэрхшээлийг урьдчилан таамаглах, зохистой шийдлийг санал болгох чадвартай;

11. Англи хэлний ахисан түвшний мэдлэг, хэрэглээний чадвартай байх /хятад хэлний мэдлэгтэй бол давуу тал болно/;

12. Бичиг баримт боловсруулах, бусдад зааж сургах чадвартай;

13. Багаар ажиллах чадвартай, эерэг зөв хандлагатай;

14. Идэвх санаачлагатай, шинийг эрэлхийлэгч;

15. Ярианы болон бичгийн, харилцааны ур чадвартай.

 

Сонирхож буй ажил горилогчид анкетад дурдсан  бичиг, баримтыг бүрдүүлж 2022 оны 04 дүгээр  сарын 07-ны өдрийн дотор "Эрдэнэс Тавантолгой” ХК-ийн Улаанбаатар хот дахь төв оффисын Хүний нөөцийн хөгжил сургалтын хэлтэст ирүүлнэ үү.

/цахимаар hr@erdenestt.mn  хаягаар ирүүлж болно/

 

"Эрдэнэс Тавантолгой” ХК-ийн анкетыг www.ett.mn сайтаас татаж, бөглөнө.

Холбоо барих хаяг: Улаанбаатар хот, Чингэлтэй дүүрэг, 1-р хороо, Жигжиджав-8, Финанс төвийн 304 тоот, Утас: 976-75055555 /308/