АЖИЛТАН ШАЛГАРУУЛЖ АВНА

2022-07-29

САНХҮҮ, ЭДИЙН ЗАСАГ ХАРИУЦСАН МЭРГЭЖИЛТЭН АЖИЛД ШАЛГАРУУЛЖ АВНА

 

“Эрдэнэс Тавантолгой” ХК-ийн Төлөөлөн Удирдах Зөвлөлийн дэргэдэх Дотоод аудитын албанд 1 хүнийг санхүү, эдийн засаг хариуцсан мэргэжилтнээр сонгон шалгаруулж ажилд авна. 

 

Гүйцэтгэх үндсэн үүрэг:    

Компанийн санхүү, эдийн засгийн үйл ажиллагааны мэдээллүүдэд хяналт олон улсын эдийн засаг, уул уурхайн салбарын тоон мэдээллүүдийг цуглуулах, судалгаа шинжилгээ хийх, тус чиглэлээр хяналт, шалгалт хийх, санхүүгийн тайлан гаргалт олон улсын стандарт, зохих дүрэм журмын дагуу хийгдсэн эсэх, зөрчил илэрвэл уг зөрчлийг тохиолдол тус бүрээр тодорхойлж аудитын дүгнэлт, зөвлөмж, тайлан гаргах.  

 

Дотоод хяналтын болон эрсдэлийн удирдлагын үйл ажиллагаа, санхүүгийн тайлан, санхүү, эдийн засгийн бусад мэдээллийн үнэн бодит байдалд хяналт тавих. 

 

Ажлын байрны тодорхойлолтод заасан ажил үүргийг гүйцэтгэнэ. 

 

Ажлын байранд тавигдах шаардлага:  

1. Санхүү, эдийн засаг, нягтлан бодох бүртгэл чиглэлээр бакалавр болон түүнээс дээш зэрэгтэй байх. 

2. Мэргэжлээрээ 4-өөс доошгүй жил ажилласан байх.  

3. Дотоод аудит, хяналт шалгалт, эрсдэлийн чиглэлээр ажиллаж байсан, аудитын чиглэлээр мэргэшүүлэх сургалтуудад хамрагдсан бол давуу тал болно. 

4. Англи хэлний ярианы болон бичгийн дунд болон түүнээс дээш түвшний мэдлэгтэй байх.  

5. Компьютерын хэрэглээний программууд дээр ажиллах чадвартай байх.

6. Монгол хэл, бичгийн найруулга зүй, архив албан хэрэг хөтлөлтийн мэдлэг, туршлагатай байх.

7. Ажлын хариуцлагатай, цаг ашиглалт сайн байх.

8. Төрийн болон албаны нууцыг хадгалах.

 

Сонирхож буй ажил горилогчид анкетад дурдсан бичиг, баримтыг бүрдүүлж 2022 оны 08 дугаар сарын 10-ны өдрийн дотор "Эрдэнэс Тавантолгой” ХК-ийн Улаанбаатар хот дахь төв оффисын Хүний нөөцийн хөгжил, сургалтын хэлтэст ирүүлнэ үү.

 

Холбоо барих хаяг:

Улаанбаатар хот, Чингэлтэй дүүрэг, 1-р хороо, Жигжиджав-8, Финанс төвийн 304 тоот, Утас: 976-75055555 /310/