ТЕХНИК МАРКШЕЙДЕР АЖИЛД ШАЛГАРУУЛЖ АВНА
“Эрдэнэс Тавантолгой” ХК-ийн Салбарын Уулын хэлтсийн Маркшейдерийн хэсэгт Техник маркшейдерийн ажлын байранд ажилтан шалгаруулж ажилд авна.
Албан тушаалын зэрэглэл: Мэргэжилтэн
Үндсэн ажилтан эсэх: Үндсэн ажилтан
Туршилтын хугацаатай эсэх: 3 сарын туршилтын хугацаатай
Ажлын байршил: Өмнөговь аймаг, Цогтцэций сум
Гүйцэтгэх үндсэн үүрэг:
1. Уул уурхайн үндсэн малталтууд, олборлолтын мөргөцөг, хөрсний овоолго, нүүрсний агуулах зэрэг уурхайн бүс дэх бүх объектуудын хөдөлгөөнийг зураглах;
2. Уулын ажлаас гадуурх (зам талбай, барилга байгууламж, аж ахуй нэгж, албан байгууллага, инженерийн байгууламж) гэх мэт шаардлагатай талбайд хэмжилт зураглал хийх;
3. Хэмжилт боловсруулах, тооцоолох, маркшейдерийн орон зайн зураг үйлдэх, уулын ажлын орон зайн төлөвлөлтийг газарт шилжүүлэх, төлөвлөгөө мөрдөлтийн хяналт тавих;
4. Ажлын байрны тодорхойлолтод заасан ажил үүргийг гүйцэтгэнэ.
Ажлын байранд тавигдах шаардлага:
1. Уул уурхайн маркшейдер мэргэжлээр дээд боловсролын бакалавр болон түүнээс дээш зэрэгтэй байх;
2. Хэмжилтийн багаж тоног төхөөрөмж, хоёр долгионы GPS, электрон тахеометр дээр ажиллах чадвартай, уул уурхайн мэргэжлийн программууд дээр ажилладаг бол давуу тал болно.
3. Компьютерын өргөн хэрэглээний программуудыг ашиглаж чаддаг байх;
4. Багаар ажиллах чадвартай байх, ёс зүйн хэм хэмжээг сахидаг байх, ажлын ачаалал даах чадвартай байх;
5. B ангиллын жолоо барих эрхтэй байх;
6. Идэвх санаачилгатай, шинийг эрэлхийлэгч байх;
7. Ажлын цаг ашиглалт сайтай байх;
8. Ярианы болон бичгийн, харилцааны ур чадвартай байх;
9. Авлигаас ангид байх, урьдчилан сэргийлэх талаар зохих мэдлэгтэй байх.
Сонирхож буй ажил горилогчид hub.ett.mn сайт руу нэвтрэн орж цахимаар өргөдлийн маягтыг 2023 оны 07 дугаар сарын 06-ны өдрийн дотор бөглөнө үү.
Холбоо барих хаяг:
Улаанбаатар хот, Чингэлтэй дүүрэг, 1-р хороо, Жигжиджав-8, Финанс төвийн 708 тоот, Утас: 976-75055555 /310/
“Эрдэнэс Тавантолгой” ХК зуучлагчаар дамжуулан иргэдийг ажлын байранд сонгон шалгаруулдаггүй тул ажил горилогч та бүхэн аливаа зуучлалын үйлчилгээ үзүүлэгч байгууллага болон хувь хүнээс сэрэмжилнэ үү.
/Бид зөвхөн анкетын сонгон шалгаруулалтад тэнцсэн ажил горилогчидтой эргэн холбоо барьж, дараагийн шатны шалгаруулалтад урих болно./