ЗӨВЛӨХ ҮЙЛЧИЛГЭЭНИЙ ТУХАЙ ЗАРЛАЛ
2016.05.30
"Эрдэнэс-Таван толгой” ХК нь Цанхийн зүүн, баруун, уурхайн хөрс, нүүрсний эзлэхүүн жин, сийрэгжилтийн коэффицентийг тодорхойлуулж, норм тогтоолгох зөвлөх үйлчилгээ үзүүлэгчийг сонгох R-ЭТТ-2016/05-11/ЗҮ-05 дугаартай тендерт гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй этгээдийг мэдүүлгээ ирүүлэхийг урьж байна.
Мэдүүлгээ ирүүлж буй зөвлөх нь уг үйлчилгээг гүйцэтгэх чадвартайг нотлох доорхи мэдээллийг ирүүлнэ.Үүнд:
⦁ Аж ахуйн нэгж болон байгууллагын товч танилцуулга.
⦁ Аж ахуйн нэгж болон байгууллагын гэрчилгээний хуулбар /нотариатаар баталгаажуулж ирүүлэх/ Геологи, уул уурхай судалгаа шинжилгээний чиглэлээр үндсэн үйл ажиллагаа явуулдаг байх шаардлагатай.
⦁ Татварын газрын тодорхойлолт /2016 оны 05 дугаар сарын 30-ны өдрөөс хойших байдлаар/
⦁ Иргэний болон Захиргааны хэргийн шүүхийн тодорхойлолт эх хувиар ирүүлэх /2016 оны 05 дугаар сарын 30-ны өдрөөс хойших байдлаар/ /Хэрэв хариуцагчаар оролцож байсан бол холбогдох шүүхийн шийдвэрийг заавал ирүүлнэ/
⦁ Нийгмийн даатгалын хэлтсийн тодорхойлолт /2016 оны 05 дугаар сарын 30-ны өдрөөс хойших байдлаар /
⦁ 2015оны жилийн эцсийн санхүүгийн тайлан /нотариатаар баталгаажуулж ирүүлэх/
⦁ Ижил төстэй ажил гүйцэтгэж байсан эсвэл судалгаа шинжилгээ хийж байсан туршлагатай байх. /Ижил төстэй ажил гүйцэтгэж байсан бол гэрээний хуулбар, судалгаа шинжилгээ хийж байсан бол нотлох баримт бичиг ирүүлэх/
⦁ Аж ахуйн нэгж болон байгууллага нь 3 доошгүй жилийн ажлын туршлагатай байх.
⦁ Багийн голлох мэргэжилтэнүүд нь Монгол Улсын геологи, уул уурхайн чиглэлээр мэргэшсэн, зөвлөх зэрэгтэй байх бөгөөд багийн бусад гишүүд геологи, уул уурхайн инженерийн бакалавр болон түүнээс дээш зэрэг цолтой байх. / диплом
болон мэргэшлийн зэргийн гэрчилгээний хуулбар ирүүлэх/
⦁ Тухайн ажлыг гүйцэтгэхэд шаардлагатай багаж, тоног төхөөрөмж, программ хангамжтай байх.
⦁ Ирүүлж буй мэдүүлэг нь Монгол хэл дээр байна.
Сонирхсон этгээд нэмэлт мэдээллийг 2016 оны 06 дугаар сарын 08-ны өдрийн 17:00 цагаас өмнө авч болох бөгөөд мэдүүлгээ дор дурдсан хаягаар 2016 оны 06 дугаар сарын 09-ний өдрийн 11:00 цагаас өмнө ирүүлнэ үү.
"Эрдэнэс-Таван толгой” ХК, Чингэлтэй дүүрэг, 1-р хороо, Жигжиджавын гудамж, 6-р байр, 1-р давхар 104 тоот,
Улаанбаатар хот 14240, Монгол улс Утас: 70118585 дотуур утас-512, Факс: 70118464
Холбоо барих ажилтан: О.Хатанбаатар
Е-mail: Khatanbaatar.o@erdenestt.mn
