“АМЖИЛТ БОЛ СОНГОЛТ” МАНЛАЙЛЛЫН ХӨТӨЛБӨРТ АЖИЛТНУУД АМЖИЛТТАЙ ОРОЛЦЛОО

2023-09-13

Уул уурхайн салбарын ажилтнуудыг чадавхижуулах зорилгоор МУЗГ-ын Хэрэг эрхлэх газар, “Эрдэнэс Монгол” ХХК, Удирдлагын академиас хамтран “Амжилт бол Сонголт” манлайллын хөтөлбөрийг хэрэгжүүлж манай компанийн 12 ажилтан амжилттай оролцлоо. 

Тус хөтөлбөр нь 2023.07.16-2023.09.10-ныг хүртэл 3 сарын хугацаанд III үе шаттайгаар үргэлжилж “Эрдэнэс Монгол” нэгдлийн 13 охин компанийн 50 оролцогч оролцож мэдлэг, ур чадвараа дээшлүүлсэн байна. 

“Амжилт бол Сонголт” манлайллын хөтөлбөрөөр уул уурхайн салбарын хөгжлийн чиг хандлага, Асуудлаар хөтлөгдсөн давталтат тохируулга, манлайлал, карьер төлөвлөлт, багаар ажиллах аргачлал, эерэг хандлага, сэтгэлгээний өөрчлөлтийн талаар гадаад, дотоодын эрдэмтэн, судлаачид, Удирдлагын академийн баг, хамт олон гардан зохион байгуулав. 

Салбарын хөгжилд тулгамдаж буй асуудлыг шийдвэрлэхэд “Эрдэнэс Монгол” нэгдлийн манлайлагч залуус хувь нэмрээ оруулж, мэдлэгээ өргөжүүлэн, санал бодлоо солилцсон үр дүнтэй сургалт болсныг оролцогчид онцолж байв.