МЭНДЧИЛГЭЭ
"Эрдэнэс-Таван Толгой” төслийг хэрэгжүүлэх их үйл сийг бүтээлцхэд хувь нэмэрээ оруулж яваа компанийнхаа нийт барилгын салбарын инженер, техникийн ажилчид, үе үеийн барилгачид Та бүхэнд Монгол Улсад барилгын салбар үүсч хөгжсөний 89 жилийн ойн баярын мэнд хүргэе.
Өнгөрсөн хугацаанд бид уурхайн нийт ажилтнуудаа эрүүл, тав тухтай орчинд амьдрах нөхцөлийг нь бүрдүүлж "Цанхи” хотхоныг 2014 оны 8 дугаар сарын 1-нд ашиглалтад оруулсан. "Цанхи” хотхон нь 250 хүний багтаамжтай, дулааны шугам сүлжээнд бүрэн холбогдсоноос гадна ажилчдыг амралт чөлөөт цагаа үр бүтээлтэй өнгөрүүлэх спорт танхим, талбайг байгуулсан. Түүнчлэн нүүрсний борлуулалтын хэмжээг нэмэгдүүлэх үүднээс "Гүний гаалийн бүс”-ийн бүтээн байгуулалтын ажлыг амжилттай хийж байна.
Мөн орон нутагтай хамтран ажиллаж, сургууль, эмнэлгийн засвар болон төв замын гэрэлтүүлгийг суурилуулж, Цогтцэций сумын хөгжлийн ерөнхий төлөвлөлттэй уялдуулан ажилчдын цогцолбор хотхон байгуулахаар ерөнхий төлөвлөгөөгөө гарган ажиллаж байна.
Улсын хөгжлийн тулгуур болсон "Эрдэнэс-Таван Толгой” ХК-ийн барилга бүтээн байгуулалтын салбарт ажиллаж буй Та бүхэнд ажлын өндөр амжилт, эрүүл энх, сайн сайхан бүхнийг хүсье.
"ЭРДЭНЭС-ТАВАН ТОЛГОЙ” ХК-ИЙН
ТӨСӨЛ, ДЭД БҮТЭЦ ЭРХЭЛСЭН ДЭД ЗАХИРАЛ С.ЦЭВЭГЖАВ
