“Хог bucket challenge” аянд нэгдэхийг уриаллаа
"Эрдэнэс-Таван Толгой” ХК-ийн ажилтнууд "Хог bucket challenge” аянд нэгдэж, бусад уул уурхайн компанийг уг арга хэмжээнд нэгдэхийг уриаллаа. Тус компанийн ажилтнууд өнгөрсөн бямба гарагт Богд уулын ноён оргил Цэцээ гүнд авирч, эргэн тойрных нь хогийг цэвэрлэж, цэмцийлгэв. "Эрдэнэс Таван Толгой” ХК-ийн төсөл албан ёсоор хэрэгжиж эхэлсний 5, компани байгуулагдсаны 5 жилийн ой энэ онд тус тус тохиож байгаа бөгөөд ойн хүрээнд компанийн ажилтнууд 5 бүтээлч үйлс хэрэгжүүлэх төлөвлөгөөтэй байна.
